A choiva arrastra unha trintena de vehículos nunha rampla en Cadaqués
A choiva arrastra unha trintena de vehículos nunha rampla en Cadaqués
Protección Civil ten activada a prealerta ante a previsión de que se acumulen 100 litros de chuvia por metro cadrado en 24 horas
Unha trintena de vehículos foron arrastrados de madrugada pola auga nunha rampla en Cadaqués, na comarca xerundense do Alto Empordán, en Xirona, onde está activada a prealerta ante a previsión de que se poidan acumular 100 litros de chuvia por metro cadrado en 24 horas.
Os Bombeiros da Generalitat de Cataluña informaron de que a riada, que non causou feridos, se produciu ás 03.54 horas e que os vehículos arrastrados quedaron amoreados debaixo dunha ponte e non chegaron ao mar. Dúas dotacións dos bombeiros trasladáronse ao lugar dos feitos.
Aquesta matinada #bomberscat hem revisat una trentena de cotxes que s'ha endut una rierada a Cadaqués (avís 03.54h). Els vehicles han quedat amuntegats sota un pont i no han arribat a mar, cap persona ferida ni atrapada
2 dotacions 🚒 https://t.co/oABV4HohU1 pic.twitter.com/EgNNMCfSkK
— Bombers (@bomberscat) November 8, 2024
Esta foi a única intervención dos bombeiros nesa comarca polas tormentas da pasada madrugada, aínda que na veciña do Baixo Empordán recibiron oito chamadas desde as 03:00 horas, na súa maioría por inundacións en vivendas particulares, sen feridos.
Protección Civil informou de que mantén activada a prealerta do plan de emerxencias por inundacións, o INUNCAT, no Alto e o Baixo Empordán, por observación e acumulación de choiva, que pode chegar aos 100 litros por metro cadrado en 24 horas.
