A Conselleira do Mar chama os bateeiros a dialogar sobre a xestión da mexilla

A conselleira do Mar ofrece diálogo aos bateeiros despois de que un grupo deles a increparan o venres pasado en protesta pola redución das zonas para extraer mexilla. Rosa Quintana pídelles que volvan á Mesa de Negociación.

A Conselleira do Mar fixo esas declaracións nunha visita á Confraría de Corme, no concello de Ponteceso, que estreaba neveira para manter a carnada. Un proxecto de innovación e eficiencia enerxética subvencionado con axudas da Xunta.

A Conselleira lembrou que volveu abrir o prazo para pedir estas subvencións. Son 7 millóns de euros e poden solicitarse as axudas ata o mes de marzo.