A Coruña resolve este mércores a quen adxudica a recollida de lixo cando se cumpre un mes de folga

A concesionaria do servizo de recollida de lixo da Coruña, Prezero, comunicou 29 sancións graves "que supoñen a suspensión de emprego e soldo de seis a dez días en función do número de infraccións cometidas en cada caso". Mentres, segue o lixo acumulado en contedores e ao seu ao redor pola rúas da cidade herculina.

Así mesmo, iniciáronse "dez novos expedientes disciplinarios por faltas moi graves" e a adxudicataria "segue coa tramitación regulamentaria dos expedientes disciplinarios a tres membros do comité de empresa". Así o confirmaron fontes próximas consultadas por Europa Press.

"A empresa empeza a comunicar sancións que implican suspensións de emprego e soldo por acumulación de infraccións", insistiron.

Estas corresponden a infraccións cometidas desde que empezou a folga, o pasado 24 de xuño, convocada polo Sindicato de Traballadores da Limpeza (STL), organización maioritaria no comité, con motivo de "despedimentos inxustificados", "externalización de servizos" e "incumprimentos" do convenio.

A alcaldesa da Coruña Inés Rey anunciou este martes que hai algunha empresa que se interesou xa no contrato de urxencia para a recollida de lixo tras a declaración da situación de emerxencia sanitaria.

Preguntada polos medios este martes, a rexedora indicou que se celebrou a primeira comisión de seguimento da emerxencia sanitaria, na que estiveron presentes a concelleira de Medio Ambiente Yoya Neira, a de Seguridade Cidadá Montserrat Paz e o de Economía José Manuel Lage.

Esta comisión, dixo, "reunirase diariamente", incluídos domingos e festivos, para "coordinar" a situación e facer un seguimento das porcentaxes de recollida, incidencias que se poidan producir e seguimento dos labores da nova empresa que reforzará o servizo desde mañá con 13 vehículos e 32 operarios.

As empresas interesadas teñen de prazo ata este mércores ás 10 horas para presentar as súas ofertas.

A alcaldesa asegurou que xa hai algunha empresa interesada; daquela, mañá analizaranse as propostas para que se empece a prestar o servizo.

A pasada noite, segundo informou o Concello, houbo tincendios de contedores nas rúas Mosteiro de Sobrado, Mariana Pineda e Eugenio Carré Aldao.

A Policía Local identificou dous sospeitosos en relación a esta queima de contedores.

Por agora, segundo datos municipais, arderon 125 colectores, o que supón un custo de 375.000 euros.

O persoal da recollida de lixo está en folga, en teoría intermitente, desde o 24 de xuño, aínda que diaria na práctica.

Mañá ás 10 remata o prazo para a presentación de ofertas,e  ao longo da mañá analizaranse as que se presentaran e procederase ao encargo e a partir dese momento terán que prestar o servizo, lembrou a alcaldesa

Mentres o comité de folga acusa directamente ao concello da situación que está a vivir a cidade, proque din que non escoitaron todas as peticións, queixas e denuncias do comité de empresa. E por iso volveron solicitar formalmente unha xuntanza coa alcaldesa