A costura non é cousa de avoas

Os labores tradicionais están de volta e, semella que regresan para quedar. Coser xa non é cousa das avoas.

Hoxe, mulleres e tamén homes, con outra profesión, ocupan o seu tempo libre aprendendo a coser; porque queren vestir diferente, porque apostan por un consumo sustentable, pola satisfacción de facelo un mesmo ou simplemente porque relaxa.

Hai quen encontrou a súa vocación entre puntadas e patróns; hai quen se reinventou e cambiou de profesión e quen, ante tanta demanda por aprender a coser, decidiu apostar pola docencia.