A explosión do depósito da rozadoira provócalle queimaduras nun brazo e no costado
A explosión do depósito da rozadoira provócalle queimaduras nun brazo e no costado
Foi evacuado en helicóptero ao hospital da Coruña para tratar as feridas
O ferido estaba rozando unha leira nunha parroquia de Catoira
Os bombeiros do GES de Padrón apagaron o lume que prendeu na vexetación
Unha concentración de equipos de emerxencia alertou os veciños de Santa Baia do Oeste, en Catoira a media tarde deste martes. No dispositivo mobilizouse o helicóptero do Sergas para axilizar a evacuación dun home que resultou ferido ao estoupar a rozadoira coa que estaba limpando as malas herbas dunha leira.
O combustible provocou o incendio da roupa, provocándolle queimaduras nun brazo e no costado. As lapas prenderon tamén na vexetación. Primeiro atalláronas os propios veciños cunha mangueira de rega e logo polos bombeiros do GES de Padrón.
Os que andan a estas alturas coas faenas de limpeza das leiras nesa zona din que o mato está especialmente intenso e que iso pode supoñer un sobreesforzo excesivo para as rozadoiras pequenas.
