Dúas familias usurparon unha casa en Viveiro pola falta, din, de vivendas en alugueiro

Dúas parellas novas, con idades comprendidas entre os 20 e os 27 anos, usurparon unha casa na parroquia de Covas, en Viveiro.

Segundo aseguran, non lles quedou máis remedio que cometer esta ilegalidade, á falta dunha vivenda en alugueiro que buscaron durante meses. Teñen, ademais, tres menores ao seu cargo.

As dúas parellas admiten que foron identificadas pola policía e tamén recibiron a visita dos axentes da brigada xudicial. Así e todo, sinalan que non tiveron problema ningún cos veciños, e fan un chamamento para poder ter un emprego ademais dun alugueiro en regra.

Polo momento, os donos da casa ocupada non se puxeron en contacto coas familias que residen nela.