A Federación Galega de Confrarías denuncia intereses partidistas na manifestación do domingo

A Federación Galega de Confrarías de Pescadores sinalou nunha conferencia de prensa este martes a preocupante redución do consumo de peixe. Cualifican de alarmista a chamada crise dos granulados e aseguran que vai deixar un impacto económico moi negativo no sector pola desconfianza do consumidor.

Tamén denunciaron o interese partidista que, ao seu entender, houbo na manifestación deste pasado domingo en Santiago e que tampouco beneficia, din, o gremio do mar, como explicou o seu presidente José Antonio Pérez Sieira.