Piden once anos de cadea para dous mozos por unha malleira en Vigo
Piden once anos de cadea para dous mozos por unha malleira en Vigo
A Fiscalía solicita para un unha pena de seis anos de prisión e, para outro, catro anos e nove meses de cárcere para o segundo por senllos delitos de lesións con deformidade
Os feitos aconteceron o pasado mes de xaneiro, de madrugada, e en pleno centro de Vigo
Os dous acusados pola brutal malleira ocorrida na rúa Hernán Cortes afrontan penas que suman 11 anos de cárcere. A Fiscalía aplícalles a agravante de asañamento e pide que indemnicen a vítima con 30.000 euros polos potes, traumatismos cervicais, fractura nasal e perda de pezas dentais.
Os feitos aconteceron o pasado mes de xaneiro, de madrugada, e en pleno centro de Vigo, a mans, presuntamente, deses dous mozos, futbolistas ourensáns.
A Fiscalía, para un pide unha pena de seis anos de prisión e, para outro, catro anos e nove meses de cárcere para o segundo por senllos delitos de lesións con deformidade.
Aplica a ambos a circunstancia agravante de asañamento, así como unha indemnización de 30.000 euros para o vigués agredido e outros 1.000 euros para unha segunda vítima que recibiu tamén diversos golpes por parte dos acusados.
Os avogados que exercen as acusacións particulares coinciden na petición de seis anos para o principal investigado, de 26 anos, e amplían aos cinco anos a solicitude de cárcere o outro concorrendo en ambos, ademais do asañamento, a aleivosía ao entender que deixaron ás dúas vítimas sen posibilidade algunha de defensa.
