A Fundación Pública de Medicina Xenómica busca terapias contra as enfermidades raras

A terapia molecular e os tratamentos personalizados son, moitas veces, a única alternativa terapéutica para afrontar as denominadas enfermidades raras, das que case a cuarta parte teñen unha base xenética. Investigalas e atopar un medicamento require estudos moi complicados. 

É unha loita contra o reloxo, que ten moitas veces nomes e apelidos, como o da nena Carmen Silva. Padece unha epilepsia moi grave que chegou a provocarlle máis de cen crises ao día. E os seus pais depositan todas as súas esperanzas nas investigacións da Fundación Pública de Medicina Xenómica de Galicia.