A Garda Civil detén tres persoas en Culleredo por roubaren 700 litros de gasóleo

A Garda Civil, en colaboración coa Policía Local de Culleredo, detivo tres persoas por supostamente roubaren máis de 700 litros de gasóleo na localidade.

A Garda Civil informou este martes de que os arrestados, residentes da Coruña e Oleiros, foron sorprendidos mentres subtraían combustible do depósito dun camión no polígono de Ledoño (Culleredo).

A investigación iniciouse tras varias denuncias previas de furtos similares. Aos tres homes detidos atribúeselles a autoría de múltiples roubos na zona, que suman máis de 700 litros de gasóleo roubado, segundo as denuncias presentadas.