A Garda Civil incáutase de 2,5 toneladas de cocaína agochadas en latas de atún

A Garda Civil incautouse de 2,5 toneladas de cocaína no porto de Alxeciras. A droga estaba agochada en latas de atún, nun contedor procedente de Ecuador. A operación policial desenvolveuse en Cantabria, Madrid, Valencia, Guipúscoa e Biscaia.

Nos rexistros descubriron un laboratorio para cortar cocaína, varios quilos de marihuana, armas e 20.000 euros en efectivo. O valor da droga aprehendida ascende a 87 millóns de euros. A mesma organización está investigada por branquear 1,5 millóns de euros e estafar máis de 30 entidades bancarias.