A Garda Civil sinala a nai do bebé degolado en Valencia como única sospeitosa
A Garda Civil sinala a nai do bebé degolado en Valencia como única sospeitosa
O cadáver do bebé foi atopado nun rocho logo de que a muller tratara de suicidarse
A Garda Civil fíxose cargo da investigación tras localizar o bebé morto (EFE/Manuel Bruque)
A nai do bebé atopado degolado este luns no municipio valenciano de Vilamarxant é a autora da súa morte, segundo a única hipótese coa que traballa o grupo de homicidios da Garda Civil.
Segundo informaron a EFE fontes do caso, esta é a liña de investigación, "salvo sorpresas", polas evidencias atopadas ata o momento.
O cadáver do bebé foi localizado no rocho da azotea do edificio da vivenda familiar, despois de que a muller se precipitase ao baleiro desde esa altura.
A muller, de 36 anos de idade, foi atendida por persoal sanitario no lugar dos feitos por politraumatismo e evacuada ao Hospital La Fe de Valencia, onde permanece con prognóstico reservado, segundo informaron a EFE este martes fontes de Sanidade.
O Concello de Vilamarxant decretou onte dous días de loito oficial, as bandeiras ondean a medio mastro e hoxe vaise gardar un minuto de silencio ás portas do consistorio ás 12 horas polo falecemento do bebé.
