A neve chega á alta montaña galega, testemuño do frío
A neve chega á alta montaña galega, testemuño do frío
A neve callou en varios puntos da alta montaña, por riba dos 1.200 metros
Primeira nevarada en Manzaneda. A estación de montaña amenceu hoxe cuberta dun manto branco. Non foi o único punto onde callou a neve. As folerpas caeron en varios puntos da alta montaña, por enriba dos 1.200 metros.
A neve é testemuño da chegada do frío a Galicia. As mínimas foron de cero graos ou mesmo algo menos en Cervantes, Pedrafita do Cebreiro, Lardeira, Pena Trevinca ou na propia Cabeza de Manzaneda.
A cota de neve irá rebaixándose ao longo do día ata quedar nos 1.100 metros pola noite na montaña de Ourense e Lugo. A caída das temperaturas foi xeneralizada en toda Galicia, mesmo nas Rías Baixas non van pasar hoxe dos 16 graos.
É o primeiro episodio de frío polar deste outono, que ata agora estaba sendo anormalmente cálido.
