A Oficina de Coordinación Económica marca como prioridade o desenvolvemento das enerxías renovables

A nova Oficina de Coordinación Económica da Xunta de Galicia marca como prioridade o desenvolvemento das enerxías renovables para poder atraer proxectos industriais estratéxicos. O seu director, Juan Carlos Reboredo, cre que Galicia ten vantaxes competitivas polos seus recursos naturais que están servindo para poñer en marcha novas iniciativas relacionadas coa transición enerxética.

"Estamos impulsando proxectos de hidróxeno verde, descarbonizacion dos consumos eléctricos en polígonos industriais. Impulsar o sector eólico en Galicia para abaratar a enerxía. Temos un grande atractivo para as empresas de fóra", di Juan Carlos Reboredo, director da Oficina de Coordinación Económica da Xunta de Galicia.