Os puntos de vacinación contra a covid terán novos horarios desde esta semana

Os puntos de vacinación da covid estrean mañá novos horarios.  Son para comezar ou completar a pauta ou para a dose de reforzo. Vanse facer en 14 centros hospitalarios das sete áreas sanitarias con horarios que varían en función do centro.

Por exemplo, no hospital clínico de Santiago será os luns e martes de once e media a dúas e media da tarde. En Ourense vacinarán de martes a sábado, ás mañás, e os luns pola tarde. Lugares e horarios poden consultarse na web do Sergas sobre vacinación da covid. E para non ter que esperar, Sanidade recomenda a cita previa.