A Policía do Porriño rescata un bebé con hipotermia canda o seu pai bébedo
A Policía do Porriño rescata un bebé con hipotermia canda o seu pai bébedo
O home que tiña o pequeno de 26 días nas mans trataba de darlle o biberón
A nai, localizada polos axentes, levaba horas buscándoos sen saber do home nin do neno
A Policía Local do Porriño rescatou na noite de Reis un bebé con síntomas de hipotermia. O bebé, de 26 días, estaba canda seu pai, na vía pública na estrada de Torneiro a Mosende.
O pai estaba bébedo e trataba de darlle o biberón ao cativo. Os axentes foron alertados por unha chamada telefónica. A nai estivera toda a tarde tratando de localizar o pai.
A Policía trasladou o bebé, que estaba grave, canda a nai ao hospital Álvaro Cunqueiro. Fixérono no coche patrulla para poder poñer a calefacción a máis de 24 graos, seguindo as indicacións dos sanitarios ante un caso de hipotermia.
Xa no hospital o cativo foi reanimado con éxito. O caso xa está na Fiscalía de menores.
