A presenza de niveis altos de E. coli desaconsella o baño na praia de Oza da Coruña

Na praia de Oza ondea a bandeira amarela e os socorristas recomendan evitar o baño. A causa é a presenza da bacteria E. coli, que se detectou en niveis moi elevados nas análises realizadas hai dous días

A situación mellorou desde o xoves. Daquela o Concello da Coruña izou a bandeira vermella e o baño quedou prohibido. As últimas análises realizadas polos técnicos de medio ambiente deixan valores máis discretos e da prohibición pasouse á recomendación.

Os niveis de E. coli obrigaron a retirar temporalmente o distintivo de calidade da praia. A presenza desta bacteria foi a responsable de que o areal de Oza quedara sen bandeira azul entre os anos 2014 e 2018.