A rotura dunha tubaxe provoca unha riada nun barrio de Ourense

Foi unha mañá axitada no barrio de Barrocás, en Ourense. Uns obreiros romperon accidentalmente unha tubaxe de administración que dá servizo a 37 vivendas do barrio, o que provocou que auga correra rapidamente rúa abaixo. 

A riada arrastrou pedras e terra da mesma obra, ata a mangueira e as ferramentas dos propios obreiros. En cuestión de minutos, aseguran os veciños, estaba todo anegado.

A máis afectada foi a rúa San Mamede, que conduce, costa abaixo, ata o complexo hospitalario de Ourense. Desde balcóns e ventás os veciños foron testemuñas da avalancha.

Segundo informan desde Viaqua, concesionaria de augas, contan con que as vivendas volvan ter auga esta tarde.