A varíola do mono segue sumando infectados e sorprende o sistema sanitario do mundo occidental
A varíola do mono segue sumando infectados e sorprende o sistema sanitario do mundo occidental
Unha doenza endémica de África que se daba por extinguida en Europa rexorde, para sorpresa dos científicos
España, con case cen casos, é o segundo país de Europa con máis infectados, a maioría homes
No mundo o número de contaxios supera os 300 e en Galicia confirmouse un positivo de sete casos sospeitosos
Apenas logramos saír dunha pandemia e xa outro virus está ocupando titulares. Por agora o número de casos é moi reducido, algo máis de 300 en todo o mundo. Só un positivo confirmado en Galicia.
España, con cen casos, é o segundo país de Europa con máis contaxios. A maioría dos afectados son homes homosexuais, aínda que os expertos din que non se trata dunha enfermidade de transmisión sexual, se non que se transmite por contacto estreito cun positivo. Os virólogos volven recomendar illamento dos infectados, moita cautela e medidas profilácticas nas relacións sociais para evitar as transmisións.
Os gobernos da Unión europea pactaron a compra dun lote de vacinas para facerlle fronte a expansión do virus. Por agora non se fixou o protocolo de vacinación, en que se deba determinar que persoas e en que circunstancias se lle debe administrar.
