A xuíza deixa en liberdade o veciño de Padrón acusado de danar 75 coches en Cambados
A xuíza deixa en liberdade o veciño de Padrón acusado de danar 75 coches en Cambados
O home pasou á disposición xudicial e acolleuse ao seu dereito a non declarar
Está investigado por un delito de danos
O acusado de danar 75 coches en Cambados no último ano pasou á disposición xudicial no xulgado número tres da vila.
Os axentes detivérono en Padrón, onde vivía. O home ten 46 anos. Acolleuse ao seu dereito a non declarar e a xuíza decretou a súa posta en liberdade sen impoñerlle ningunha medida.
A Garda Civil investigaba o caso desde hai meses. Ao parecer, desprazábase de noite no seu coche desde Padrón a Cambados e despois volvía á súa casa.
Amplo historial
O home levaba facendo mal desde hai un ano. O seu historial é amplo e variado: rodas picadas en xaneiro... Capós estragados polo decapante en abril... Quince damnificados en maio... e outros dez o mes pasado.
Agora o acusado está investigado por un delito de danos e os cambadeses un pouco máis tranquilos.
.png)
