A Xunta confía en que conexión da A-55 en Tui estea rematada para finais do verán
A Xunta confía en que conexión da A-55 en Tui estea rematada para finais do verán
A conselleira de Infraestruturas e Mobilidade, Ethel Vázquez, destacou que as obras acadan o 55 % de execución
Tui quedará conectado coa A-55 a finais deste verán. É o tramo máis complexo da vía de alta capacidade entre este concello e A Guarda.
O enlace dará acceso directo ao polígono industrial de Areas e recollerá o tráfico procedente de Portugal. A infraestrutura suporá unha mellora significativa para as empresas da zona.
A fase con maior dificultade na construción é unha macrorrotonda elevada de 80 metros de diámetro que permitirá desconxestionar o tráfico na zona pola que circulan 16.000 vehículos diarios.
Ademais conectará directamente co parque empresarial de Areas, unha vella demanda dos empresarios, transportistas e traballadores. Os traballos están ao 55 por cento da súa execución e rematarán a finais do verán.
É un novo tramo da vía de altas capacidades entre Tui e A Guarda, a zona máis poboada do sur da provincia e cun marcado carácter industrial.
