A Xunta e os hostaleiros impulsan actividades para fomentar a reciclaxe

O sector hostaleiro vai colaborar no impulso da reciclaxe e da separación dos residuos tanto na restauración coma no aloxamento e no ocio nocturno. A través dun convenio de colaboración coa Xunta de Galicia, desenvolveranse actividades de concienciación e tamén repartimento de envases para aproveitar as sobras dos alimentos. A campaña desenvolverase nas catro provincias galegas.

"Temos que seguir reciclando, evitar os residuos e que mellor que facelo a través dos 21.000 establecementos hostaleiros que hai en Galicia para que conciencien aos seus traballadores e tamén o fagan coa cidadanía".