A Xunta recorre a resolución sobre o topónimo da ría de Ribadeo

O Consello da Xunta aprobou este xoves presentar un recurso contra a resolución do Goberno central que di que o topónimo oficial para a desembocadura do Eo poderá ser ría de Ribadeo, como ata agora, ou ría do Eo.

O presidente da Xunta explicou que esta decisión baséase en que "é un topónimo que ten séculos de antigüidade e, polo tanto, entendemos que vulnera a lei de salvagarda do patrimonio cultural inmaterial. Entendemos que esta decisión do Goberno é ilegal".