Acoitelan un home durante unha liorta en Ordes

A Policía Local de Ordes detivo un home por ferir outro con dous coitelos. Sucedeu na noite do sábado ao domingo, presuntamente, por unha lea entre ambos cando estaban nunha zona de copas.

Segundo testemuñas presenciais, o agresor, despois da lea, colleu o coche e intentou atropelar a vítima nunha rúa peonil, cando foi interceptado por unha cadeira que lle tiraron ao vehículo.

Nese momento saíu do coche e arremeteu contra el cos coitelos. Vítima e agresor non revisten feridas de gravidade e o atacante está detido á espera de pasar a disposición xudicial.