Afundación impulsa proxectos interxeracionais sobre emigración

María José emigrou ao Brasil no ano 52. Quen mellor que ela para explicarlle a un grupo de alumnos do instituto Frei María Sarmiento de Pontevedra o que significa deixar o teu país rumbo ao descoñecido. 

María José Pérez explica que había dúas emigracións: a dos que tiñan cartos e volvían ricos e a dos que ían sen nada e volvían sen nada.

A experiencia de Carmen Liste en Francia non estivo exenta de dificultades, pero asegura que en conxunto foi positiva. Asegura que cando o peor o pasou foi á volta xa que Galicia estaba moi atrasada respecto outros países.

Precisamente as diferenzas que había a todos os niveis respecto a outros países foi o que máis lles chamou atención aos rapaces. 

Estes encontros interxeracionais son enriquecedores para os nosos maiores porque se senten útiles e recoñecidos pola sociedade, pero tamén para os mozos, xa que despois de escoitar as súas historias vitais comezan a miralos con outros ollos.