Agresión sexual a unha nena de 6 anos de tres compañeiros nun colexio de Badaxoz

Nun colexio de Badaxoz, tres nenos de seis anos abusaron sexualmente dunha compañeira da mesma idade durante todo o curso pasado, segundo denunciou a familia da vítima.

Presuntamente arrastraban a nena cada recreo detrás duns arbustos e alí baixábanlle a roupa interior e mancábana na zona xenital con pedras e coas unllas.

Dous dos agresores marcharon do centro e o terceiro segue alí coa vítima. Estableceron un protocolo para que non coincidan, pero na Asociación contra o Acoso Escolar din que é insuficiente.

Aseguran que a nena sofre importantes secuelas e acusan o colexio de non facer nada para evitar as agresións. Os pais denunciaron os feitos na Garda Civil, pero os nenos non son imputables por teren menos de 12 anos.