Aínda hai paxes recollendo agasallos

Os empregados dos comercios estanlles dando todas as facilidades posibles aos axudantes que andan apurados facéndolles os últimos recados aos Reis Magos. 

Non é cousa só dos que escribiron a carta tarde, por veces a cabeza dos paxes dos Reis tamén anda nas nubes...

Axudar os Reis Magos non é un traballo fácil, e os pedidos que se xestionan arestora son do máis variado. O que máis éxito ten nesta noite son os xoguetes para os máis pequenos da casa, pero a roupa e os perfumes tamén teñen un bo espazo nas cartas, sobre todo as dos maiores.

O reloxo avanza e a hora punta de paxes medio agoniados... está a achegarse. Así que sexamos permisivos cos esforzados axudantes que espremen as horas previas da visita dos Reis Magos de Oriente para que os seus agasallos cheguen a tempo.