Os desvíos a Santiago tras o peche de Peinador non evitaron atrasos e perdas de enlaces

O aeroporto de Santiago absorbeu parte dos servizos previstos en Peinador, mentres as pistas de Vigo estiveron pechadas.

Fixéronse traslados en autobús entre as dúas terminais, aínda que non todos os pasaxeiros tiveron ou puideron contar con esta facilidade.

Ademais, moitos viaxeiros, a pesar de seren desviados ou recolocados noutros voos, sufriron atrasos e perderon enlaces.

O aeroporto de Santiago tamén recibiu a pasaxe dun avión con problemas técnicos, que debía saír da Coruña a Barcelona esta mañá. Algúns afectados daban por feito que ían perder as súas conexións.

Tanto estes pasaxeiros coma os chegados de Vigo denunciaban sobre todo falta de información.