Os casos de cans envelenados increméntanse alarmantemente na Coruña

Alarma pola suposta aparición de cebos con alfinetes destinados a cans na contorna do parque de Vioño, na Coruña. 

Agora os propietarios das mascotas paséanas amolados e moi pendentes do que poidan atopar no chan.

E é que nos últimos tres meses, só na clínica veterinaria que hai no barrio de Vioño, atenderon dez cans tras seren danados ou envelenados.

Moitos son conscientes de que a convivencia entre os donos dos cans e algúns veciños é complicada...

Hai quen asegura que a aparición de cebos con alfinetes e veleno repítese cada certo tempo, polo que esixen mellorar o mantemento dos parques e un maior control nestas zonas.