Pontón reivindica o legado de Castelao para construír a Galicia do futuro

O Bloque Nacionalista Galego levou este domingo ata Rianxo o seu acto central, coincidindo co aniversario de Castelao.

Tal día coma hoxe, o 7 de xaneiro de 1950, falecía Alfonso Daniel Rodríguez Castelao no sanatorio do Centro Galego de Bos Aires.

Na súa vila natal, en Rianxo, a formación homenaxeou esta figura política que é unha referencia para o nacionalismo galego.

Ante o busto de Castelo do paseo da Ribeira, a portavoz  nacional, Ana Pontón, reivindicou o seu legado e animou a seguir o camiño marcado polo intelectual para a construción da Galicia do futuro.