Aparatoso accidente en Padrón ao bateren dous coches

En Padrón, dous coches chocaron este martes pola tarde á altura de Iria Flavia. A forza do impacto foi tal que un dos vehículos envorcou.

A pesar do aparatoso que foi o accidente, non se produciron feridos. O sinistro ocorreu na nacional 550 preto da ponte de Pontecesures. Ao lugar acudiron o GES de Padrón, a Policía Local e Protección Civil. O accidente obrigou a cortar o tráfico mentres non se habilitou un carril alternativo.