Aparece o corpo sen vida dun home de 51 anos na Illa de Arousa
Aparece o corpo sen vida dun home de 51 anos na Illa de Arousa
A Garda Civil mantén unha investigación aberta
O corpo sen vida dun home de 51 anos foi localizado arredor das 11:00 horas deste luns nos embarcadoiros do porto do Xufre no municipio pontevedrés da Illa de Arousa.
Segundo indicaron fontes policiais, a familia do home, veciño do concello, detectou a súa ausencia desde o sábado, pero alarmáronse sobre todo na xornada do domingo, cando non regresara á casa.
Na madrugada do sábado houbo persoas que o viron na vila e sobre as 3:30 horas do domingo foi visto "indo cara aos embarcadoiros" e aí "perdeuse a pista, xa que non saíu do lugar".
Nesta liña, indicou que iniciaron unha procura nos embarcadoiros mexilloeiros coa mobilización de mergulladores, e foi este luns cando apareceu preto da súa embarcación.
"El accedeu ao embarcadoiro para ir á súa embarcación", apuntaron estas fontes. O corpo do home apareceu a 100 metros dela. A Garda Civil mantén unha investigación aberta.
