Aprendemos a conxelar e cocer marisco

O camarón conxélase vivo e a cigala e o marisco de patas conxélase cocido. O lumbrigante para salpicón, cocido, e para arroz, cru.

Cómpre non cocer varias centolas xuntas e menos forzalas na pota, podemos estragarlles as patas. Moi importante tamén arrefiar ben o marisco logo de cocido e antes de conxelar, mellor nun arcón ca no conxelador da neveira convencional.

Os que mellor conxelan son a vieira, a cigala, o camarón e o peixe plano.

Ben sabido é que o marisco envólvese logo cun pano húmido da mesma auga da cocción e pódese envolver nunha bolsa ou non.

Segundo nos din algunhas praceiras de Pontevedra, o que peor conxela é a nécora, hoxe a grande xa ía a 70 euros na lonxa de Pontevedra.

No mercado atopamos varios compradores que prefiren comprar no día aínda que sexa máis caro. Ademais de afrontar a típica escalada de prezos pódense decatar de que no día clave non haxa o produto desexado ou que estea aínda moito máis caro do previsto por mor dun hipotético temporal.