Arde maquinaria agrícola e electrodomésticos no incendio dun alpendre en Allariz
Arde maquinaria agrícola e electrodomésticos no incendio dun alpendre en Allariz
As lapas calcinaron un tractor, rozadoira, motoserras e dous conxeladores
A rápida intervención dos efectivos de emerxencia evitaron que o lume prendera na leña almacenada e se estendera ás vivendas lindeiras
A propietaria sospeita que o incendio puido orixinarse por un curtocircuíto nun conxelador
O lume comezou contra as 5 da mañá. A propietaria do inmoble, situado na aldea do Mato, en Allariz, estaba a durmir cando os ladridos da súa cadela, Lis, a espertaron. Conseguiu sacar o coche e liberar os animais, galiñas e coellos, antes de que as lapas calcinaran todo o que había no interior dun dos espazos do alpendre.
O lume calcinou un tractor, tres motoserras, outras tantas rozadoiras e dous conxeladores, un deles cheo de carne, ademais de danar gravemente a estrutura. Ata o lugar acudiron efectivos de Protección Civil de Allariz e os bombeiros de Xinzo.
A rápida intervención dos efectivos de emerxencias, en colaboración cos veciños, evitou que as lapas prenderan na leña e nas alpacas de palla que había almacenadas na interior.
A propietaria sospeita que o incendio puideron orixinarse por un curtocircuíto nun conxelador.
.png)
