Arte urbana contra o feísmo na Ribeira Sacra
Hai xa preto de 100 murais na comarca para pór en valor espazos degradados
Son obras de artistas locais con protagonismo da natureza e as tradicións da zona
A Ribeira Sacra non é allea á moda e aposta pola arte urbana para darlle un novo aire aos seus espazos públicos, combatendo ademais o feísmo. O consorcio turístico, nunha acción enmarcada no Pacto pola paisaxe, promoveu novos murais en colaboración cos concellos.
A natureza é a gran protagonista nestas creacións. En moitos concellos teñen especial relevancia os seus produtos típicos. Son murais deseñados por artistas da Ribeira Sacra e podemos atopalos xa nos 21 concellos lugueses e ourensáns que compoñen esta comarca.
Algúns deles mesmo contan xa coa súa propia ruta para que non perdamos detalle de todas as creacións pictóricas que esconden as súas renovadas rúas.
