Así é o novo sistema de recollida de lixo para a hostalaría en Santiago

Busca xestionar con maior eficacia a separación de residuos na hostalería. É o sistema porta a porta de recollida de lixo que vai implantar o Concello de Santiago.

"Vidro, cartón, plástico, os restos e o orgánico. Todo isto vai facerse a diferentes horas. Sempre porta a porta e unha soa vez ao día", explica Thor Rodríguez, presidente da Asociación Hostaleiros Compostela.

A primeira inquedanza dos hostaleiros, o espazo.

Xoán Costoya, copropietario da Taberna Gato Negro, pregúntase onde colocar "cinco contedores deste tamaño, que non son pequenos".

Tamén preocupa o horario de recollida porque del depende a almacenaxe de restos no interior dos locais.

Son algunhas das inquedanzas que quere corrixir a asociación Hostalería Compostela, pendentes dun encontro co alcalde.

Con todo, hai voces a prol do sistema tal como está proposto. Máis confianza no sistema ten a asociación Hostalería.Gal. "Creo que non vai haber tanto problema", afirma Lois Lopes, presidente da asociación.

Difiren nas formas, pero coinciden no fondo: hai que reciclar.