As autopsias dos cadáveres de Osuna, en Sevilla, conclúen que a muller faleceu asfixiada e el, por golpes
As autopsias dos cadáveres de Osuna, en Sevilla, conclúen que a muller faleceu asfixiada e el, por golpes
As autopsias dos cadáveres de Osuna, en Sevilla, conclúen que a muller faleceu asfixiada e el, por golpes
Atopan os cadáveres dun home e unha muller nunha vivenda en Sevilla
Estás descartado que se trate dun caso de violencia machista
![](https://img-g24-crtvg.flumotion.com/prog24/2023/20230817/20230817Osuna.png)
As autopsias dos dous cadáveres en avanzado estado de descomposición descubertos o pasado martes no interior dunha vivenda de Osuna (Sevilla) reflicten que a morte de ambas as persoas se debeu a causas violentas, posiblemente polos golpes recibidos no caso do home falecido e a asfixia sufrida pola muller falecida, segundo informou este xoves o Tribunal Superior de Xustiza de Andalucía (TSXA), precisando que as mortes aconteceron o pasado venres 11 de agosto.
Ambos foron xa identificados e correspóndense cos inquilinos da vivenda onde foron atopados os corpos, no número 58 da rúa Mancilla de Osuna, onde residían de alugueiro e onde ademais foron achadas plantas de marihuana.
Trátase, como se informou, dun cidadán español de 77 anos e unha muller de 41 anos e de nacionalidade ucraína, tendo en conta que a causa está a ser instruída polo Xulgado de Primeira Instancia e Instrución número dous de Osuna, ao que a Garda Civil prevé solicitar que decreto o secreto de sumario sobre as actuacións, descartando xa que se tratase dun caso de violencia de xénero.