As cacharelas xa están prontas para acender a noite máis máxica do ano
As cacharelas xa están prontas para acender a noite máis máxica do ano
Na Coruña agárdase que unhas 150.000 persoas enchan os areais de Riazor e o Orzán
Festa por dobre partida en Lugo, coas celebracións do San Xoán e do Arde Lucus
Volve a noite de San Xoán. Regresan o lume purificador e todos os rituais cos que se dá comezo o verán.
O San Xoán encherá Galicia de cacharelas este venres, en especial nas provincias costeiras. A da Coruña é a de máis sona. Declarado Festa de Interese Turístico Internacional, o San Xoán coruñés é unha das celebracións máis tradicionais que ninguén quere perder.
En Riazor esta mañá xa había xente collendo sitio, e non eran os primeiros. Algúns xa durmiron na praia para ter reservado un lugar na area e gozar así da noite máis máxica do ano
E por iso arredor de 150 mil persoas danse cita nestes areais urbanos. Así que, para garantir que non haxa incidencias, este ano reforzouse o dispositivo de seguridade.
Contra a medianoite producirase a tradicional queima da falla. Haberá tamén un espectáculo de fogos artificiais e centos de cacharelas alumearán nesta noite do San Xoán.
A festa esténdese por todo o país, xa sexa e en Lugo, coincidindo co Arde Lucus, en Nigrán, onde tamén se celebra na praia, na de Nigrán, ou sexa en Santiago, onde é unha festa de barrios, poucos lugares haberá en Galicia onde o lume non ilumine esta noite.
