As cafeterías abriron de madrugada para servir o chocolate con churros
As cafeterías abriron de madrugada para servir o chocolate con churros
Cocíñase a masa en aceite a máis de 200 graos
Houbo empresas que serviron esta noite máis de 30.000 churros
Unha noitevella de festa case sempre remata arredor dunha mesa e un chocolate con churros. Sexan tradicionais, só con azucre, ou deses innovadores, con chocolate branco, recheos, ou de formas diversas. O que é común a todos eles é a auga, a sal, a fariña e o aceite, que debe estar ben quente: a máis de 200 graos.
A maioría da xente opta pola receita básica; churros con azucre e chocolate
Ibai Castiñeiras, da churrería La Quinta, de Santiago, conta que abriron o local ás cinco da madrugada pero que antes estiveron atendendo pedidos para eventos. "En Noitevella poden saír entre 30.000 e 50.000 churros", di.
A ducia de churros anda polos 4,30 euros. É un produto que tamén se encareceu nos últimos tempos pola aumento dos prezos do aceite e das fariñas.
Mónica Míguez, da panadería Míguez, di que hai moitos festeiros pero que tamén hai moita xente que non sae e que vai buscalos para almorzar na casa.
En calquera caso, semella ser a mellor forma de coroar a noitevella e entrar de forma doce en 2024.
