As farmacias da Coruña conciencian sobre a fotoprotección a ritmo da canción do verán

Letras de cancións que forman parte da memoria colectiva volven estar de actualidade nas farmacias da Coruña. "Evocando as letras das cancións do verán de toda a vida, esta é a de "Eva María se fue buscando el sol en la playa", engadimos o do fotoprotector para insistir en que hai que poñelo todos os días, non só cando baixamos á praia", explica Blanca González, Vogal de Dermofarmacia do Colexio de Farmacéuticos da Coruña

Deste xeito, o Colexio Oficial de Farmacéuticos lembra a necesidade de protexermos a pel. Importante tamén saber que cantidade de fotoprotector aplicar. "Imos aplicar a regra dos dous dedos. Dous dedos para a cara e o pescozo. Catro no torso e nas costas. Catro en cada unha das pernas e dous en cada brazo".

De aí que insistan, un verán tras outro, nos mesmos hábitos, como repoñer a crema sempre despois do baño. Ou ter en conta que hai medicamentos que poden diminuír a protección. "Algúns antiinflamatorios, algúns antibióticos ou antiestamínicos ás veces poden producir esa reacción de fotsensibilidade na pel", precisa a farmacéutica Blanca González.

Tampouco está de máis botar man dunha protección adicional: un sombreiro, lentes e incluso camiseta no caso dos máis pequenos.