As galegas María Araújo e Paula Ginzo, novidades na lista de Miguel Méndez

As galegas María Araújo e Paula Ginzo, xunto con Lola Pendande, Laura Quevedo e Leticia Romero son as principais novidades na lista que Miguel Méndez, seleccionador español feminino de baloncesto, facilitou para a xira de preparación dos Xogos Olímpicos de París, na que o equipo disputará varios encontros amigables.

Esta é a primeira convocatoria de Méndez tras o Preolímpico da cidade húngara de Sopron, no que España logrou o pase para os Xogos deste verán, e da que se ausentan por lesión Raquel Carrera, por renuncia Cristina Ouviña, e tamén Irati Etxarri.