As mulleres toman o mando no mundo do viño
Na D. O. Rías Baixas traballan máis de 2.600 mulleres, algunhas en postos directivos
As mulleres teñen cada vez maior presenza no mundo do viño. Na Denominación de Orixe Rías Baixas hai máis de 2.600 mulleres, a maioría delas son viticultoras.
Ás portas das adegas do Grupo Condes de Albarei están abertas ás mulleres; aquí hai presidenta, enóloga, comerciais, viticultoras e mulleres tamén no consello reitor.
A adega ten unha clara aposta polo equilibrio entre homes e mulleres. Segundo Andrea e Alicia, as mulleres sempre tiveron presenza no agro galego.
Belén Varela é directora e propietaria da súa propia adega en Barrantes. Está convencida tamén de que as mulleres galegas sempre tiveron voz e mando no campo.
Ningunha delas se sentiu case nunca discriminada, pero a realidade é que seguen escoitando con sorpresa que hai directivas mulleres; isto implica que a situación non cambiou de todo.
Belén, Andrea, Alicia desenvolven un exitoso labor e demostran que non hai que poñerlle portas ao campo.
