As reservas de última hora enchen os hoteis en Santiago
As reservas de última hora enchen os hoteis en Santiago
A ponte festiva mellora as expectativas do sector hostaleiro para o mes de agosto
Na zona vella de Compostela rozan o cen por cento de ocupación
"Non temos cuartos libres", responde ao teléfono a encargada do hotel Mapoula de Santiago.
Coas reservas de última hora encheron os últimos cuartos baleiros neste hotel de Santiago. E é que na capital galega a ponte festiva mellorou as expectativas que manexaba o sector para o mes de agosto. Confiaban en superar o 81 % este mes, pero na zona vella da cidade moitos establecementos colgaron xa o cartel de completo.
"Se non están ao cen por cento, moi preto, no noventa moi longo, e a ocupación mantense para todo o mes", di Lupe Señarís. do hotel Mapoula.
Unha marea de visitantes nas rúas e nos bares, camareiros que perderon a conta de cantos cafés puxeron este domingo.
"Non sei, bastantes, non paramos, moita xente", comenta un camareiro
Dende os establecemento falan de estancias máis curtas e unha contención no gasto este verán. Os clientes eloxian a calidade do servizo.
"Si, a relación calidade prezo está ben en comparación co que hai por España".
