As varices e outras doenzas vasculares poden tratarse con balneoterapia
As varices e outras doenzas vasculares poden tratarse con balneoterapia
A Arnoia acolle unhas xornadas para difundir entre os estudantes de medicina os beneficios das augas termais
As varices e os edemas, que afectan a un 70 % das mulleres maiores de 70 anos, poden tratarse con augas termais. Segundo estudos realizados neste eido, contan con propiedades terapéuticas que permiten reducir a dor sen necesidade de tomar tantos fármacos.
Para difundir esta práctica, as termas da Arnoia acollen unhas xornadas sobre balneoterapia destinadas a estudantes de medicina. Ademais de asistiren aos relatorios, participan en talleres prácticos onde coñecen de primeira man a aplicación destas técnicas.
Un cento de persoas participan neste encontro que desenvolve a Axencia de Turismo de Galicia en colaboración coa Asociación de Balnearios e a Universidade de Santiago de Compostela. O obxectivo, aseguran, é mellorar a calidade de vida das pacientes.
