Atopan morta na casa en Murcia unha muller de 73 anos con signos de violencia

En Murcia localizaron morta na súa casa unha muller de 73 anos con signos aparentes de violencia. Unha das catro fillas da muller viúva, que vivía canda elas, atopou o corpo da súa nai no chan da vivenda en Archena o venres ao mediodía.

A falecida estaba sobre un gran charco de sangue na cociña e os sanitarios que se desprazaron á casa canda a Policía Local e a Garda Civil, só puideron certificar a súa morte. Os investigadores traballan coa hipótese de que se trate dunha morte violenta e agardan as análises forenses.