Atopan o corpo sen vida dun neno de cinco anos en Loriguilla, Valencia
Atopan o corpo sen vida dun neno de cinco anos en Loriguilla, Valencia
O cadáver do neno de cinco anos atopouse nunha zona asolagada moi próxima á A-3, ao seu paso polo termo de Loriguilla
Os labores de busca dos desaparecidos incorporan novos medios tecnolóxicos
Efectivos da Garda Civil de Valencia acharon o corpo sen vida dun neno de cinco anos na localidade de Loriguilla, nunha zona asolagada como consecuencia da catastrófica DINA, segundo confirmaron a Europa Press fontes do Instituto Armado.
O achado do corpo sen vida do menor tivo lugar este mércores ao mediodía por parte dun can do servizo Cinolóxico da Garda Civil de Valencia, tal e como adiantou Las Provincias.
O cadáver do neno de cinco anos atopouse nunha zona asolagada moi próxima á A-3, ao seu paso polo termo de Loriguilla.
Tras o levantamento do corpo, foi trasladado ata a Cidade da Xustiza de Valencia, onde se lle practicará a autopsia e procederase á súa identificación.
Novos medios tecnolóxicos para buscar desaparecidos
Os labores de busca das persoas aínda desaparecidas incorporan máis medios e teconoloxía para poder dar co seu paradoiro.
"Virá un buque científico e xeorradares para intentar localizar a odosos desparecidos", explica Ángel Víctor Torres,Ministro de Política Territorial.
As sospeitas apuntan a que moitos dos desaparecidos puideron ser arrastrados cara ao mar. O buque oceanografico Ramón Margalef con 14 persoas a bordo despregará todo o seu equipamento nos traballos de localización. Súmanse así ao labor dos GEAS da Garca Civil que inspeccionan palmo a palmo a zona da Albufeira e a desembocadura do Turia.
Á busca nos barrancos incorporaranse xeorradares que permitirán afinar a localización de posibles corpos que quedaran baixo as capas de lodo. Mentres continúan o traballos de identificación dos corpos. Segundo a última actualización, hai aínda 54 cadáveres por identificar a través das pegadas ou do ADN. As denuncias dos familiares van elevando a cifra de desaparecidos.
"Se hai un familiar desaparecido teñen que vir á Garda Civil a denuncialo. Esa denuncia facilita o traballo dos equipos de rescate", di un portavoz da Garda Civil.
O dispositivo de medios segue reforzando os municipios máis afectados. É o caso da Localidade de Chiva, á que se incorporan efectivos da Garda Real.
"A prioridade é que poidan chegar os vehículo e os camións cos materiais máis necesarios e apoiar á poboación en todas as necesaidades que teña", detalla o Sarxento primeiro Galeano.
Necesidades que aínda quedan por cubrir máis dunha semana despois da catástrofe.
