Aumentan as vivendas de aldea que se ofrecen como casa de uso turístico

Antes só viñan a esta vivenda ocasionalmente porque a familia ten outra na capital, así que esta emprendedora decidiuse a rexistrala como casa de uso turístico.

Dálle unha nova vida a esta casa. Durante quince días é a residencia desta familia de Alacante. Os hóspedes indican que se encontran coma na súa propia casa e que lles permite ter máis comodidades ca nun hotel.

Anima a chegada de visitantes, porque en moitas aldeas non hai posibilidade de aloxamento. Ao alugar a casa enteira, aumentan considerablemente as prazas. Ademais, permite a presencia de mascotas. Rexistrar a casa é sinxelo, pero botan de menos máis axudas, como unha exención fiscal que si teñen outro tipo de alugueiros. 

Unha posibilidade de facer da casa un negocio que cada vez é máis frecuente.