Baixa ao nivel mínimo de perigosidade o incendio de Zamora

O incendio forestal declarado o pasado mércores día 15 na reserva da serra da Culebra, na provincia de Zamora, que queimou preto de 30.000 hectáreas, baixou ao nivel mínimo de perigo.

O incendio iniciouse por mor dos raios dunha tormenta seca en varios puntos de inicio simultáneos e queimou varias zonas arborizadas e non arborizadas da serra da Culebra e do Val do Tera de Zamora.

A virulencia do lume, avivado polas altas temperaturas, o vento e a baixa humidade da pasada semana, obrigou a desaloxar unha vintena de poboacións e mobilizou ata 665 efectivos de extinción.

Na zona seguen vixiando dúas cuadrillas de terra, dous vehículos motobomba e dous axentes ambientais.