Bos datos na restauración das vilas costeiras das Rías Baixas
Bos datos na restauración das vilas costeiras das Rías Baixas
Algúns establecementos tiveron un 50 % máis de clientela este agosto comparado co ano pasado
A restauración nas vilas turísticas das Rías Baixas traballou moi ben en agosto, sobre todo a primeira quincena.
Máis frouxo foi xullo polo tempo irregular. Moitos establecementos teñen problemas para atopar traballadores.
En restaurantes como o Loureiro de Bueu están moi satisfeitos do mes de agosto: Serven unha media de 150 comidas ao día. Medrou a súa clientela un 50 %. É un restaurante de comida tradicional con peixes e mariscos como outros que hai na vila de Bueu aos que acoden habitantes e turistas de toda a zona que non atopan unha oferta como esta nas súas vilas.
Tamén foi un bo agosto no chiringuito de Carmen na praia de Agrelo. Sorprendeulles a presenza de moitos estranxeiros e os mellores días foron os da ponte de agosto. Xullo foi bastante malo a pé de praia.
