Buscan o home que atracou unha sucursal de Caixabank en Vigo

A Policía Nacional busca un atracador que, cara ao mediodía deste martes, entrou nunha sucursal de Caixabank na parroquia viguesa de Beade e, tras asperxer con gasolina unha mesa e ameazar os empregados, logrou levar uns 600 euros.

O atracador, un home alto vestido con cazadora escura, entrou na sucursal, situada no número 10 da rúa Coutada, e ameazou con prender lume.

Posteriormente, fuxiu nun vehículo en dirección a Bembrive.

A policía cre que o autor destes feitos está vinculado con outros episodios violentos, e traballa na súa localización e detención.